見電視劇最近講開軍閥，一於同大家講講北洋軍閥嘅領頭人物——袁世凱。喺1915年12月12日，當時已經係中華民國大總統、集大權於一身嘅袁世凱，將自己嘅權力同地位進一步推向高峰，佢宣佈復辟帝制，改國號為中華帝國，將第二年（即係1916年）定為洪憲元年。結果引嚟舉國反對，「護國三傑」蔡鍔、李烈鈞、唐繼堯等人發動「護國戰爭」，多個省份宣布獨立。搞到「一鑊泡」嘅袁世凱喺1916年3月22日宣布廢除帝制，恢復共和，還原基本步做返大總統。前前後後，袁世凱只係做咗83日皇帝。

以為可以當無嘢發生過？點得！護國軍一方唔肯罷休，要袁世凱退位。最後袁世凱响6月6日病死，護國戰爭告一段落。袁世凱喺封遺書度寫：「恨只恨我，讀書時少，歷事時多。今萬方有事，皆由我起。帝制之誤，苦我生靈，勞我將士，群情惶惑，商業凋零，如此結果，咎由自取。誤我事小，誤國事大，摸我心口，痛兮愧兮！」懺悔有無用真係不得而知，唯一確定嘅係，袁世凱死後，中國正式踏入軍閥割據時代。

圖片嚟自網絡